إعتذار ياسر التويجري لأهل الجنووب

[علي بن محي القبيسي]

هذي قصيدة إعتذار ياسر التويجري لأهل الجنووب


http://www.youtube.com/watch?v=46jc_ucQJuM


أنا محصن عن النمه ونزغ القلوب = ومشاولت بعض صقط القوم باذانها

ولي علاقه قويه مع رجال الجنوب = وازعل على شانها وارضى على شانها

سلام ياباحة الابطال ضلع ودعوب = إلى محايل عسير وظلع نجرنها

وسلام ياتهامه وبيشه مسير وركوب = ولايعدي رجال اللمع وظهرانها

وسلام لابها وشروره قروبٍ قروب = تحيةٍ سنها الإخاء واعانها

الله خلقكم قبايل من خير الشعوب = منابر لج صوت الحق بأركانها

ياللي ليا كبرت الهيه وشب الشبوب = انتم قبسها واشاوسها ودخانها

من فوق عوصٍ تنش الارض نوبٍ ونوب = تستل مراديفها وتفل جنحانها

ومصقلاتٍ عليه الدم لوهو يروب = ماروبت جبهة النشمي بعرقانها

اللي يداري على ضيفه من ادنى هبوب = ومحشمٍ رفقة الطيب ولاخانها

وأنا على المدح بالطيب منيب مغصوب = لكدت مهر القصيد وجدت بعنانها

كثرت علي الحكايا والحقود الكذوب = ماخاف ربه من هروجه ولاصانها

أستغفر الله من بعض السوالف واتوب = اللي نبذها الشرف والعرف وادانها

حذف العمايم يتل الوجه لو هو شحوب = والناس تاسع مداركها من بطانها

وانا مورد على العد القراح الجذوب = ومجنبٍ بركة الوادي وشيطانها

أحيان مغلوب واحياناً منيب مغلوب = من دون ربعي مشايخها ورعيانها

وان قـّلط الليل في عيني وشرب الغروب = ذبحت له من خيار النّدر اسمانها

مثايلٍ مادخله شك والاعيوب = يغار ياقوتها من زين مرجانها

تجدد الحب والتقدير لاهل الجنوب = وهبي ياهرجة الحاقد ونقصانها

[عبد الله بن مسعد]

مشكور مشكور يا القبيسي مشاركة تستحق التقدير

[محمد بن عبدالهادي القبيسي]

قد افلحنا واهب فينا العلوم ام
يجينا يعتذر

[علي بن عبد الرحمن القبيسي]

كل ما قيل عن الرجل افتراء لا صحة له فياسر التويجري شاعر متمكن وله حساد كثيرا وارد هؤلاء ان يضعون ياسر امام اهل الجنوب بطريقة ذكيه وخبيثه فاثاروا تلك الكلمات الغبيه لكن كان ياسر اكثر ذكاء منهم والحق يقال الرجل لم يقل في الجنوب الا خيرا
فاعتذاره في محله لقطع الطريق على اهل النميمه والفتنه