ننتظر الرد يا مجحود.... [الأرشيف] - الموقع الرسمي لقبيلة أل بوقبيس

عبد الله بن مسعد

10-07-2008, 01:25 AM

علي بن عبد الرحمن القبيسي

10-07-2008, 04:13 AM

مرحبا بالشاعر اللي بديته تشفي الغلا غلا
والقصايد تعترف له بالجميل وجابها منسوقة
ليس مثل اللي قراها عند غيره واستعارها
وانحن اللي نعرف الشعار واللي وردوا نفطن له
والسحاب اذا هما علبحر فانه من بواخره
ـــــــــــــــــــــــــــــــ
مرحبا بك عد بحر وبر
عد براق سرا بو قبيس
لابنيت في الحكم فابن مسعد
مثل زرع لا علا روسنا :d

عذرا ودي اتعلم منك ومن الغالي مجحود

البقا يا راعي الجزلات والجودات والغلا
شاعر يبني الحكم مفتولة من بيتها منسوقة

البيوت الطيبه يا بو محمد ثابته وتشب نارها
شفت ابو زيد الهلالي حارة اقدامه وطاح ابحمله

وبن رافع فارس شمشوم حر من جبابره

عبد الله بن مسعد

10-07-2008, 04:45 AM

محاولتك جميلة يا بو عبد الرحمن وفقك الله ن إلا أن الشقر مرسوم له رد ستراه بوضوح ـ إن شاء الله ـ عندما يرد مجحود على القصيدة بكاملها

وإن شاء الله اشرح لك ذلك بعدها مباشرة

على العموم تعجبني محاولتك واهتمامك ، وتفاعلك يا بو عبد الرحمن

مجحود

10-07-2008, 10:36 PM

هلا بك يا ابن مسعد وأسف للتأخير نظرا لانشغالي ,, والشكر موصول للأخ عبدالرحمن القبيسي فقد تباطاني ورد ,,,,

يا عسى تسلم وراع الجود يضفي للغلا غلا=
كل راعي جود يملك سوق ويجيك الغلى من سوقه=
وانا خصم اهل الردى والعار ما نومست,, عارها=
يا عبدالله جف نبع النفط والتاجر لقي نفطن له=
تاجر(ن) ماهمه اول سعر وقت الحرب واخره=
= = = = = = = = = = = =
عاش من يوفي بوعده وبر=
كل ابونا في ذرى بوقبيس=
وانت من سيسانها يابن مسعد=
ما تشال الا على روسنا=

عبد الله بن مسعد

10-08-2008, 01:28 AM

على روسنا على روسنا

مشكور يا مجحود وأنت على روسنا كذلك ، وأستميحك عذرا لتوضيح بعض الشيء لمن يحبون التعرف على الشقر

طبعا انا رسمت البدع ووجهته للسوق من خلال القوافي التالية
الغلا غلا.... وهي في البدع مأخوذة من الغل وف الرد مأخوذة من غلاء الصديق
منسوقة ..... في البدع يعني منسقة وفي الرد تعني السوق
استعارها .... من الإعارة ...وفي الرد من كلمتين نومست ،،، عارها
نفطن له ... من الانتباه والفطنة وفي الرد من النفط ( البترول)
من بواخره ... يعني من بخار مائه وفي الردد من الآخر للظرفية الزمانية

وهكذا ( المقصلفة )

مشكور يا مجحود مجددا ومشكورين الإخوة الذين دخلوا الموقع وتصفحوا البدع والرد
وأتمنى أن أكون قدمت أنا ومجحود ما ينال استحسان القراء والزوار

عبد الله بن مسعد

10-08-2008, 02:12 PM

كنت بفتح صفحة جديدة لبدع جديد لكني فضلت المواصلة بهذه الصفحة تسهيلا لمن أراد أن يطلع عليها كاملة متتابعة .

استلم البدع يا مجحود :
جتنا الاجازة وحنا اليوم مالعايدين
أعيد ذا غايب للشغل والكل اعيد
والحمد لله فضله صار علكل عام
يا لله في ناوي(ن) تروى به افنان عود
لارد فيه الثمر والما تقبل منه(1)
ــــــــــــــــــــ
تقبل منه : طلع فيه الماء ، من قولنا قبل الجبل يعني طلع فيه ، وكقولنا دلى
وقبل

مجحود

10-09-2008, 05:07 PM

هلا بك يا عبدالله وتراني ماسك خط من البارح على طريق الشمال دوبي اشوف النت,,,, ويعطيك العافيه على اسلوب الفرش الرائع,,

سلام يا اصحابنا ونقول ما لعايدين=
الله يديم الرضا حتى نجي كل عيد=
العيد موسم محاربة الزعل كل عام=
والطبل لهل الطبول ويعزف إفنان عود=
وصاحب ابليس صومه ما تقبل منه=
اذا لزم التوضيح (إفنان) = فِنان أي وأنتم بكرامه جحيش

عبد الله بن مسعد

10-09-2008, 06:42 PM

تسلم يا بو رافع ، وفقك الله

استلم بدع علقارعة جديد:

في الحق لاتسمع العذال واللايمين
فراعي الدين يرضى لو سكن تحت حيد
ولو تسبعت باخذ فوق سبعي نعام
والعز ماهو بفي جمع الذهب والنقود
تلقى الله اهل النفوس اللي تبر آمنة

مجحود

10-09-2008, 08:22 PM

يعطيك العافيه,,,,,,,,,,

يا طيب الفال ما للمده الا يمين=
وان كان من مدتي يا شيخ ما ارتحت احيد=
سنين عمر العطا من فوق سبعين عام=
متى يجافى الذي ما فاد غير النقود=
يجنب المنقده والا انتبرأ منه =

عبد الله بن مسعد

10-10-2008, 12:24 AM

تعيش تعييييييييييييييييش

ياناس لو يخسر أو باما ويكسب مكين
بيزيد في لرض تدمير(ن) وحرب(ن) وكيد
يقلون مكين نصاب وولدة حرام
وطول عمره وهو ما يخدم الا اليهود
وفكر صهيون عنده ما تخلى عنه

علي مسعد

10-10-2008, 12:57 AM

يعطيكم العافيه أنا توى اشوف هالمحاورة
واظن جنتيكم خوات

أبو الطيب

10-10-2008, 01:54 AM

ياناس لو يخسر أو باما ويكسب مكين
بيزيد في لرض تدمير(ن) وحرب(ن) وكيد
يقلون مكين نصاب وولدة حرام
وطول عمره وهو ما يخدم الا اليهود
وفكر صهيون عنده ما تخلى عنه
===
أبا تدخل مع مجحود وأكسب مكين
لكن ولد ابن مسعد جا بحرب وكيد
والحرب من غير حق في الشرايع حرام
مادام لك هود ياناموسنا والياهود
فاللي توشح بحقد والبخل لاعنه

عبد الله بن مسعد

10-10-2008, 08:45 AM

هههههههههه حيا الله ابو الطيب ، وعلى من يتابع أن يدرك تمام الادراك أن هذا القصيد الهدف منه التمرين على المحاورة فحسب ، وثقوا تماما أن القلوب نظيفة والخواطر صافية ، وكلنا أحبه وإخوة ، وأرجو ممن يرى أي ملاحظة أو كلمة جارحة أن يراسلني على الخاص ويناصحني.

استلم يا ابو الطيب:

ماكنت بتطيح في ذا الحرب وانا الضمين
لكن لسان الفتى تجعله يوقع بليد
أخاف باقي تقل يا حبذا يالبصام
والا تظلي تراغي مثل رغي القعود
لامنه اشتل حمل مايوطى عنه

أبو الطيب

10-10-2008, 09:23 AM

ماكنت بتطيح في ذا الحرب وانا الضمين
لكن لسان الفتى تجعله يوقع بليد
أخاف باقي تقل يا حبذا يالبصام
والا تظلي تراغي مثل رغي القعود
لامنه اشتل حمل مايوطى عنه

يالطيف=
نمشي دروب العلا ياناس وامنظمين
واللي وصل في رضى واللي يوقع بليد
افطر لساني مع الشعار والقلب صام
ما يستوي ياولد ذا قايم ن والقعود
واسيوفنا الصارمة عند اللقاء طاعنه

عبد الله بن مسعد

10-10-2008, 10:01 AM

ممتاز تعجبني .... افطر لساني مع الشعار والقلب صام

استلم البدع :

أظن في بطنك إذا صرت شابع دحين
ومعك في القلب علات وتعقد عقيد
إن كنت قاعد لنا فابشر بناس قيام
نبني ونبني على المحراف قود وقود
وكل طير درى وش داخل احنا حنه

مجحود

10-10-2008, 08:46 PM

ابداع في البدع وكذلك في الرد,,,,

يعطيكم العافيه

أبو الطيب

10-11-2008, 12:04 AM

أظن في بطنك إذا صرت شابع دحين
ومعك في القلب علات وتعقد عقيد
إن كنت قاعد لنا فابشر بناس قيام
نبني ونبني على المحراف قود وقود
وكل طير درى وش داخل احنا حنه
=====
بالظن تأثم وظنك ساقط ن بعد حين
لاتلعق الصحن لو جاه الدسم والعق ايد
واحرص على الفرض يا خي دمت ناس ن قيام
يا صاحبي لي على الطالات دايم وقود
واللي تحنحن تَخَفِّي ندرك احناحنه

عبد الله بن مسعد

10-11-2008, 03:11 PM

ماقصرت ومجمل ويعطيك العافية ،،، ويبدو لي أن القافية شابت ، وعلى قولة البدو شاب الطاروق ، أتيح لك المجال لتبدع

عبد الله بن مسعد

10-13-2008, 06:08 PM

وش معا الصياد فك الفريسة وقت صاد
وانثنى يبكي وينحب على الصيد الفلوس
فوق راسه من تراب الفلا ياهب هبوشي
وان حمينا يا عرب لا تروا حموا لنا

أبو الطيب

10-16-2008, 02:44 AM

وش معا الصياد فك الفريسة وقت صاد
وانثنى يبكي وينحب على الصيد الفلوس
فوق راسه من تراب الفلا ياهب هبوشي
وان حمينا يا عرب لا تروا حموا لنا
==
خخخخخخخ
كذبة في سوقنا واسمها ياخي اقتصاد
كم هامور قاعد يحتري صيد الفلوس
والحقيقة لإقتصاد الوطن هم ماهبو شي
ياعبد الله دلنا لاتروح أموالنا

عبد الله بن مسعد

10-17-2008, 12:46 AM

هههههههههههههههههههههه الظاهر اني جيت على الجرح.

يصرخ الغرقان لكن ما جاله نجاد
ما يفيده مد كفه وقبقاب الضروس
لاسمعت اللي مع الناس جا بالهرج يوشي
فاعرف ان القصد والكيد والمنحى لنا

أبو الطيب

10-19-2008, 11:43 PM

هههههههههههههههههههههه الظاهر اني جيت على الجرح.

يصرخ الغرقان لكن ما جاله نجاد
ما يفيده مد كفه وقبقاب الضروس
لاسمعت اللي مع الناس جا بالهرج يوشي
فاعرف ان القصد والكيد والمنحى لنا
===
لاتقول الصدر نا خوك ما جاله نجاد
كلهم متسلطين على نقاض روس
لكن العلج الردي ما اعتقد ينهر جيوشي
الا لو كان الخلل يالخوي من حالنا
========

عبد الله بن مسعد

10-22-2008, 03:21 PM

بارك الله فيك ابا الطيب هل ننتظر منك بدع جميل نتخذه (قافية ) ونواصل عليه بعض الشيء؟؟
ثم هل لك أن تستضيف معنا أحد من الشعراء المبدعين أمثالك لتتسع دائرة القصيد؟؟

أبو الطيب

10-22-2008, 08:54 PM

أنا عندي يابن لجواد رأي وقتراح=
وش رأيك تنقل وترحل الينا في الرياض=
دام في جده تروح أو تجي من غير صوت=
واترك اللي ماعرفنا أبد مزحه وجده=
والحذر لاتقول خالي معي خلانيه=

عبد الله بن مسعد

10-23-2008, 03:19 PM

أنا عندي يابن لجواد رأي وقتراح=
وش رأيك تنقل وترحل الينا في الرياض=
دام في جده تروح أو تجي من غير صوت=
واترك اللي ماعرفنا أبد مزحه وجده=
والحذر لاتقول خالي معي خلانيه=

كان ينفعني هذا الشور غير الوقت راح
والذي فالبحر ماهو كما اللي في الرياض
لو عملنا الانتخابات مالي غير صوت
كلها لصوات بتروح لوجودي بجدة
وانتقالي يعتبر نوع ملخلانية

ــــــــــــــــــــ
الخلانية : يعني من الاختلال ، لاسيما وأن هناك من يمني نفسه بالانتقال من الرياض

أبو الطيب

10-23-2008, 09:10 PM

نحمد الله صرت شاعر وزاح الهم زاح=
يوم بعض الناس راسه يعاني مالقياض=
ياعبد الله قلنا في القصايد كم بلوت=
هو حصل لك يابن لجواد من شعرك مسده=
والاهي فلتك بعض السير فلا نية=

عبد الله بن مسعد

10-24-2008, 02:27 AM

نحمد الله صرت شاعر وزاح الهم زاح=
يوم بعض الناس راسه يعاني مالقياض=
ياعبد الله قلنا في القصايد كم بلوت=
هو حصل لك يابن لجواد من شعرك مسده=
والاهي فلتك بعض السير فلا نية=

اكثر الشعار فيهم نكت ولهم مزاح
والذي بيسلف الناس يقبل بالقياض
انا لي قدر من المعرفة ولكم بلوت
من ومن علسد ماهو يبيح اليوم سده
لن فرض الله مقدم على النفلا نية