الرجل المتزوج ومعآنآته بدون زعل

[أبو روافــــــ]

ايه لاتزعلون بس لأن هذي هي الحقيقة

:
هل كل الحريم زي بعضهم :

:

:

ياناس راحت حياتي كلها أوراق مقاضي صغيره . جيوبي مليانه ..
كل ظهريه وبعد صلاة العشا طيب يازوجتي العزيزه فيه شي اسمه دمج ..
حتى رئاسة تعليم البنات بكبرها دمجوها .. ماتمدجين انتي ورقة مقاضي الظهر مع ورقة مقاضي الليل
ونفتك من هالقلق اليومي ..

المشكله وشهي .

المشكله إني أقرأ طلبات مالها دآعي بس مجبور أجيبها .
دراق / طماط / بقسماط / برغل / واخرتها ما نلقى على السفره إلا كبسه
وإن سوينا نفوسنا هنود حطينا فجل طيب هالبقسماط وهالبرغل وبقية الاسامي الصعبه لمين??

طبعاً لأختها وزميلاتها اذا جونا يوم الأربعاء وانا ياغافل لك الله
طقني الجوع مع أبو ريناد وأبوعبدالله
وان سوينا فيها فجور وكااااااش ارسلنا عاطف يجيب لنا بروستد وتضاربنا على الثوم
والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي ناوي لك على نية:"
وبعد ماقضيت مقاضي البيت يوم الأربعاء قلت بروح للشباب في الإسترآحة ..
وأطب على المدام بدري وأحصل أختها وزميلانها عندها وتوهم حاطين العشاء ...
يلعن أم الكااااارثه .. أخيرا شفت ورقة المقاضي صدق ..
لقيتهم حاطين سفره بدايتها في المقلط ونهايتها عند طريق ابو حدريه
الى درجة انهم حاطين سيكل جنب السفره وعربية البنت .
علشان اذا وحده بغت صحن من طرف السفره يمديها تجيبه ..
قسسسسم بالله مافيه شي إلا وموجود على السفرة.

الى درجة اني رحمت مطعم النآفورة يوم شفت سفرتنا



المشكلة يحسبوني إني خبير وخآصة في شرآء المقآضي
وأنا والله ما أفرق بين المقدونس والكزبره عمري 32 وماعرف الفرق بينهم لحد الحين
مرة من المرآت قالوا لي جب معك ((كنآفة كذآبة))
قسم تروعت وش ذا الكنافه الكذابه , انا اعرف الصادقه وما أعرف الكذآبة ??


وأروح البقاله مالقيتها أتصلت بصديق قال رح لمحل حلويات ..
وأروح وأنسى إسمها وأقول لراعي المحل عطني ((كنافه نصابه))
ناظرني بأحتقار وعطاني أشكل بدل مايعطيني كنافه .. ((يعني سفهني))
في الاخير رحت عنده وقلت ياااخي معليش
أنا نسيت إسمها بس إنها كنافه ماهيب مضبوطه يعني كنافه كافره وبتروح النار
ضحك قال قصدك كنافه كذابه قلت إيييييييييه هذي اللي مالها خاتمة بكم سعرها؟؟
أعطني منها كيلو .. مسوي زحمه وبالأخير ((كنافه كذابه ))
وآخرتها قطعة خبز لاعبين علينا وحاطين عليها شيره


وكله كوم ويوم شريت كتآب طبخ وفية طريقة عمل المكرونه بالبشاميل كوم
من كثر مآنآكلها بغيت اضيفها في كرت العائلة >>> متهور

الله يحفظها الوالده .
ورقة المقاضي حقتها ماتتغير علشان كذا ما كنت أرميها
أنا حاطها في المفضله لانها هي نفس الطلبات كل يوم بصل/ طماط / رز / دجاج / خبز/
واذا بغت تسوي نفسها مآهرة أستبدلت البصل بثوم وإذا ملينا وبغت تجدد في الطبخ حطت الرز قبل البصل والدجاج قبل الطماطم
والله إني عشت عمري كله وأنا نفسي آكل شي جديد
وخاصةً ذا اللي يقولوه إسمه (( أومليت ))

الى درجة إني زمآن سكنت في فندق مره علشان لقيت في القائمة (( أومليت )) مادريت إنه بيض !!!

المشكله ماعندهم رحمه ..

درجة الحراره في عز الصيف (50 درجة)) وأنا أطآمر من محل إلى محل كله عشآن ورقة المقآضي
لو تجيب بنده والعثيم كلها وتنسى شي بسيط قامت القيامه
ولازم ترجع وأنت اصلاً معصب لأنك بتتقابل بقولهم لك
(( ولا عمرنا شفنا منك شي يابخييييييييييييل ..))
وياعيني على إستخدام التقنيه
ورقة المقاضي صارت من العصر الحجري الحين تجيك المقاضي مسج على الجوال
والله إني أبغى أصيح إذا قريت رسايل جوالي ورسايل جوال أخوياي بالاسترآحة..

كل رسايلهم

( عندما تشرق شمس يوم جديد اذكرك .. )
( كفاني ان جنح الليل يغشاني ويغشاك . )
( الله على الجمس لولا وراد الستين ) << رسالة داخله بالغلط هههههههههههه

وانا تعال شف رسايلي
( حليب سريلاك .. )
( ارجع بدري نبي مويه )
( وأنت جاي جب معك ببسي )

ببسي في نص الليل الله من الاعذار بس

وماقطع قلبي ونكد علي حياتي إلا اذا طلبوا تسالي ..
تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون ..
تجيب رقاق الورده قالوا نبي رقاق غوار .. تجيب صلصه قالوا نبي ماجي ..

بس خل عنك والله صار عندي خبره
والله من اول كنت احسب الكزبرة هي البقدونس

مناسبة هالموضوع

اني رحت يوم الاربعاء بعد صلاة العصر ومعي كالعاده رفيقة دربي ورقة المقاضي

طولها حوالي (1.12 متر) ويوم دخلت بنده والقى زحمه
وأنا اللي تصعب علي نفسي وأتهور وأشق ورقة المقاضي
وأرسل للمدام رساله أقولها اني تهورت وقطعت الورقه ...

جزاهم الله خير تفهمو الموضوع بشكل حضاري وهذا أنا أكتب لكم الموضوع من البيت وورقة المقاضي حرآم انها قدآمي الحين

تحيآتي لمن دمر حيآتي ((المقآضي))

[شهرية وافتخر]

الله الله
بصراحة حزنتني وراح الشباب ياخذون فكرة سيئة عن الزواج
بس اللي بقولة اصابع كفوفك مو سوا
ومن جد ماالومك
الله يعينك وعلى قول جدتي الله يطول بعمرها
من بغا الدح ما قال اححححححح

تقبل مروري

[سماهير]

هههههههههههههههههههههههههههههههههههههههههههههههههه ه
وربي ماكذبت وهذا الواقع ههههههههههههههههههههههه
انا اعلمك الفرق
البقدونس اوراقه اكبر والعروق طويله
الكزبرة اوراقها صغيرة وعروقها قصيرة وريحتها اطيب من البقدونس
************************************************** **************************
شوف انا اعطيك الطريقه الي تتخذها كأجراء رسمي والكلام لجميع المتزوجين
ليش نلعب على بعض احنا الحريم (البعض عشان مايقومون علي الصبايا) ماننعطا وجه وماعندنا مشكله لو تخيم في
السوبرماركت عشان اغراضنا
فعليكم بالتالي ايها الرجال:
حدد يوم معين للتسوق وساعه معينه تسلم فيها ورقه المقاضي وغير كذا لاااااااااااااااااااااا لو يموتون جوع
وممنوع منعا باتا اضافه اي غرض بعد تسليم الورقه =خلكم حازمين مو الواحد اذا ......خق وتنازل
-الشي الثاني اذا استلمت الورقه قولها (( كل مافيها لازم اشوفه على السفرة وان ماشفته احلمي اجيبه مرة ثانيه))
____________________________
لكن من ناحية ان الزوجه تتكلف لزميلاتها واهلها (( اتكلم بشكل عام)) وحتى من ناحية الزينه والبس
وزوجها لا هذي بينها وبين ربها فهي محاسبه
لانه بجد هذي فيها ظلم بعض الازواج اذا موكلهم مايدرون عن شغل المطبخ
والتدبير المنزلي
الله يوفق الجميع ويقلل من اوراق المقاضي

[أبو روافــــــ]

الله الله
بصراحة حزنتني وراح الشباب ياخذون فكرة سيئة عن الزواج
بس اللي بقولة اصابع كفوفك مو سوا
ومن جد ماالومك
الله يعينك وعلى قول جدتي الله يطول بعمرها
من بغا الدح ما قال اححححححح

تقبل مروري

آخت شهرية وأفتخر ؛؛
أشكر لك المرور والمشاركة ولا تحزني
والله ياجدتك مآكذبت لما
من بغى الدح لا يقول أح
الله يطول بعمرها
الله يعين

[أبو روافــــــ]

هههههههههههههههههههههههههههههههههههههههههههههههههه ه
وربي ماكذبت وهذا الواقع ههههههههههههههههههههههه
انا اعلمك الفرق
البقدونس اوراقه اكبر والعروق طويله
الكزبرة اوراقها صغيرة وعروقها قصيرة وريحتها اطيب من البقدونس
************************************************** **************************
شوف انا اعطيك الطريقه الي تتخذها كأجراء رسمي والكلام لجميع المتزوجين
ليش نلعب على بعض احنا الحريم (البعض عشان مايقومون علي الصبايا) ماننعطا وجه وماعندنا مشكله لو تخيم في
السوبرماركت عشان اغراضنا
فعليكم بالتالي ايها الرجال:
حدد يوم معين للتسوق وساعه معينه تسلم فيها ورقه المقاضي وغير كذا لاااااااااااااااااااااا لو يموتون جوع
وممنوع منعا باتا اضافه اي غرض بعد تسليم الورقه =خلكم حازمين مو الواحد اذا ......خق وتنازل
-الشي الثاني اذا استلمت الورقه قولها (( كل مافيها لازم اشوفه على السفرة وان ماشفته احلمي اجيبه مرة ثانيه))
____________________________
لكن من ناحية ان الزوجه تتكلف لزميلاتها واهلها (( اتكلم بشكل عام)) وحتى من ناحية الزينه والبس
وزوجها لا هذي بينها وبين ربها فهي محاسبه
لانه بجد هذي فيها ظلم بعض الازواج اذا موكلهم مايدرون عن شغل المطبخ
والتدبير المنزلي
الله يوفق الجميع ويقلل من اوراق المقاضي

أضحكي أضحكي وش همك
طلبآتك تجيك لحدك
يعني مآفية طلعة في درجة حرآرة (50درجة)
وكويس انك أعترفتي وأعطيتيني برنآمج لكن ماهقوتي إنه ينفع برنآمجك يبغآلة رجآل (جلف)
أشكر لك المرور والمشآركة //

[جمرة غضاء]

هلا فيك كويس رديت علي اشكرك منجد

[أبو روافــــــ]

السلام عليكم ابو رواف سبق وسالتك عن معنى الاسم لكن المهم حاليا
انا وبكل صراحه اعاني لان زوجي يحب اطبخ وانفخ للناس قهههههههههههههر
لان الديون تراكمت في البقاله والصحون تراكمت في المطبخ والمشاكل تراكمت في البيت
مو لازم الواحد يخسر عشان يرضي الناس وووش رائيك

هلا جمرة غضا
عليكم السلام
معنى اسمي او اسم رواف ولا اذكر سألتيني
عموما روآف مآخوذ من الرآفة والرحمة وطيبة القلب
بالنسبة بندر مآخوذ من مرسى السفن او سوق التجار او المرفى
رآي بصرآحة على المثل اللي يقول سددوا وقاربوا
وخلية يجيب لك شغآلة يمكن تنقص زحمة الصحون بالمطبخ
انتي بس لا تكثري عليه الطلبآت وبيتغير الوضع
والله مدري وش اقلك لكن الله يعينك والله مافية مثل طبخ البيت

[جمرة غضاء]

ماعني مشكله مع الطبخ انا احب اكل البيت لكن المشكله يبي
يرضي اصحابه العزاب على حساب ميزانيتنا
وبصراحه معنى الاسم جدا جميل

[أبو روافــــــ]

ماعني مشكله مع الطبخ انا احب اكل البيت لكن المشكله يبي
يرضي اصحابه العزاب على حساب ميزانيتنا
وبصراحه معنى الاسم جدا جميل

والله من هالنآحية صعبة المفروض يقدر شوي
أهل البيت أولى من كل شيء
يعطيك العافية

[ســـهـــل]

ابو روافــ

انا مو متزوج بس كلنا نعاني مع الاهل في ذي النقطه والي اكبر من المقاضي

لما تكون توك جاي في الظهر ودرجه الحراره فوق الخمسين(النشره الجويه عندنا تقول 45)<<<< والله من النصب

ويجون اهلك يقلون غلقت الاسطوانه روح جيب اسطوانه

يجيك اكتئاب لمده تتراوح بين الاسبوع الى الاسبوعين

وعلى طاري الفرق بين البقدونس والكزبره كلنا على الهوا سوا


بس الي اقدر افيدك فيه ان الكزبره اذا اكلتها لاتطلع من البيت وتذعف خلق الله

لانه لها رحه ما يشمها الا غيرك

والله ياريحه الثوم انه اشوا منها

وعلى العموم الله يعينك

[جمرة غضاء]

ششششششكررررررررا الله يعينا جميعا

[أبو روافــــــ]

ابو روافــ

انا مو متزوج بس كلنا نعاني مع الاهل في ذي النقطه والي اكبر من المقاضي

لما تكون توك جاي في الظهر ودرجه الحراره فوق الخمسين(النشره الجويه عندنا تقول 45)<<<< والله من النصب

ويجون اهلك يقلون غلقت الاسطوانه روح جيب اسطوانه

يجيك اكتئاب لمده تتراوح بين الاسبوع الى الاسبوعين

وعلى طاري الفرق بين البقدونس والكزبره كلنا على الهوا سوا


بس الي اقدر افيدك فيه ان الكزبره اذا اكلتها لاتطلع من البيت وتذعف خلق الله

لانه لها رحه ما يشمها الا غيرك

والله ياريحه الثوم انه اشوا منها

وعلى العموم الله يعينك


أخي الكريم سهل
الله يعطيك العآفية على إضآفتك للموضوع
وعلمتنآ الفروقآت بين الكزبرة والبقدونس
شآكر لك مرورك ومشاركتك
ولا هنـت ..

[مجروحة من الزمن]

ههههههههههههههههههههههههههههههههههههههههههه

والله إني ضحكت من قلب تستاهلون عساكم من كذى وأردى ولوني من حريمكم ما أطلعكم تجيبون المقاضي إلا في عز القايلة علشان تنشون صح على شمس هادئة وتستون أحد قايل لكم تزوجوا وبعدين تجون تبرطمون تستاهلون هذا أنتم يالرجال تصيحون من كل شيء من العيال تقولون ذبحونا عيالكم ومن الأغراض تصيحون هذا إلي فالحين فيه بس إذا أتصل واحد من الزملاء تنطون زي الأرنب ما فيكم تعب ولاشيء

وأنبسط عليكم وأنتم تشيلون دبة الموية ولا أسطوانة الغاز وتبرطمون شكلكم يجنن

[جمرة غضاء]

:mad::mad::mad:مجروحه حلووووووووه منك والله صدقتي ولا الواحد ينافخ واذا جت السفره مسح الصحون مسح
ماعرفنا لهم :mad::mad::mad:

[أبو روافــــــ]

ههههههههههههههههههههههههههههههههههههههههههه

والله إني ضحكت من قلب تستاهلون عساكم من كذى وأردى ولوني من حريمكم ما أطلعكم تجيبون المقاضي إلا في عز القايلة علشان تنشون صح على شمس هادئة وتستون أحد قايل لكم تزوجوا وبعدين تجون تبرطمون تستاهلون هذا أنتم يالرجال تصيحون من كل شيء من العيال تقولون ذبحونا عيالكم ومن الأغراض تصيحون هذا إلي فالحين فيه بس إذا أتصل واحد من الزملاء تنطون زي الأرنب ما فيكم تعب ولاشيء

وأنبسط عليكم وأنتم تشيلون دبة الموية ولا أسطوانة الغاز وتبرطمون شكلكم يجنن

مجروحة من الزمن

شوفي كان برد عليك انتي ودبة الموية اللي تقولي عنها لكن
مشكلتي مابه معي رجال يتكلمون كل واحد يقول ياكافي
وشكلهم متفهمين الوضع والله يعينهم
لكن وش فايدتكم من هذي الحياة لازم من المساعدة
اشكر لك مرورك وتعليقك

[أبو روافــــــ]

:mad::mad::mad:مجروحه حلووووووووه منك والله صدقتي ولا الواحد ينافخ واذا جت السفره مسح الصحون مسح
ماعرفنا لهم :mad::mad::mad:

جمرة غضاء

وانتي مع الخيل ياشقراء
بس تشوفي وحدة تسب الرجال نطيتي معها يالمبرطمة
ما اقدر اقلك شيء أعرفك بتقولي انا كلنا حنيم
اشكر لك مرورك والحمد لله اني وسيع بال

[عالي مستواي]

الله يقطع ورقة المقاضي
فضحتنا هههههههههه مشكور أخوي ع هذا الموضوع الفرفوش
بس صار فية طريقة أحلا لاتنسونها يابنات
اعملو نسخة ثانية من ورقة المقاضةوأرسليها ع الجواله أضمنلك هههههه

[سحابة صيف]

متى نزل هالموضوع ؟؟؟

ابو رواف على قولك ما فيه احد يدافع معاك والا كنت بهاجمك هجوم شرس


لكن اكتفي بقول

انتم رجال البيت


انا مستعده اشتري واجيب كل شي واقط كمان
بس ينزلني السوبرماركت
لكن كل المحلات حلال الا السوبرماركت جريمة العصر


لذلك ورقة المقاضي ابسط حاجة تقدمها الزوجة لزوجها

لا تبكي الا اللي يجيب الاغراض بالهبل لما يجي واحد من طرفه اهله والا اصدقائه
وإذا من طرف الزوجة مسكينه جلس سوى لها تحقيق

تبغون نتبادل المهام ما عندي اي اشكاليه
انتوا اطبخوا وجهزوا العزايم
واحنا بنجيب المقاضي ونروح في الحر بعد وعلى حسابنا

وبكذا نحل النزاع



يسلموووووووووووووو عالموضوع المؤلم المبكي
انت وقلبك الرهيف تقول قلب لبناني والا سوري

[@ قبيسيه @]

لا لا يابنات أنا ماأوافقكم الرأي ليش هذا الهجوم على الرجال

الحياة تعاون أنا ماأحب المرأة الإستغلالية

لأنك إذا نكدتي على الرجال حياتك بتصير نكد في نكد

وترى الرجال عنده حلول أخرى يعني تجيبين له المرض في حياته

يجيب على راسك وحده ويقهرك لازم يكون فيه تفاهم من الطرفين

ليش لما تجي سالفه فيها رجال تتكهربون لهذي الدرجة تعقدتوا

ترى الدنيا باقي بخير ولا تخلون حكمكم عام وخلوكم منصفين

زي مافيه رجال معقدين فيه رجال طيبين

وزي مافيه حريم طيبات فيه حريم علل ويفقعون المرارة

[أبو روافــــــ]

الله يقطع ورقة المقاضي
فضحتنا هههههههههه مشكور أخوي ع هذا الموضوع الفرفوش
بس صار فية طريقة أحلا لاتنسونها يابنات
اعملو نسخة ثانية من ورقة المقاضةوأرسليها ع الجواله أضمنلك هههههه

أخت عالي مستواي

الإعتراف بالحق فضيلة
وأنتي أعترفتي ان ورقة المقاضي فضحتكم
هذا الاعتراف يكفيني
شكرا على المرور
تحياتي

[أبو روافــــــ]

متى نزل هالموضوع ؟؟؟
نزل عام الدفنة

ابو رواف على قولك ما فيه احد يدافع معاك والا كنت بهاجمك هجوم شرس
ليش الأخت شرسة ولا مفترسة

لكن اكتفي بقول

انتم رجال البيت
غصب عنك

انا مستعده اشتري واجيب كل شي واقط كمان
بس ينزلني السوبرماركت
لكن كل المحلات حلال الا السوبرماركت جريمة العصر
وليش الوحدة تنزل السوبرماركت واله اكثرهم متسكعات حتى في السوبرماركت

لذلك ورقة المقاضي ابسط حاجة تقدمها الزوجة لزوجها
اوكي ماقلنا شيء بس تقدمها في حدود المعقول
لا تبكي الا اللي يجيب الاغراض بالهبل لما يجي واحد من طرفه اهله والا اصدقائه
اكيد اذا جو زملائي بجيب أغراض بالهبل
وإذا من طرف الزوجة مسكينه جلس سوى لها تحقيق
شيء طبيعي انا تزوجتها ولا تزوجت أهلها بصراحة بهذي معك حق لازم التساوي في كل المتطلبات يعني حتى في ورقة المقاضي تطالبون بالعدل
تبغون نتبادل المهام ما عندي اي اشكاليه
انتوا اطبخوا وجهزوا العزايم
واحنا بنجيب المقاضي ونروح في الحر بعد وعلى حسابنا
ماعندنا حريم يطلعون برى البيت على روسهم هههه

وبكذا نحل النزاع
عسى عمره ماينحل هالنزاع المرآة مالها غير بيتها وبس تبغون الحرية بأي طريقة أن شاء الله لو على حساب ورقة مقاضي صدق انكم مكارين ودواهي


يسلموووووووووووووو عالموضوع المؤلم المبكي
انت وقلبك الرهيف تقول قلب لبناني والا سوري
ودي ان قلبي سوري ولا لبناني على الأقل تزوجنا سورية او لبنانية والله عليهم طبخ ومشاوي وإهتمام ونظافة هيك شكل
ههههههههه

مشكورة ويعطيك العافية وان كانك راح تتطاولين راح ارد على كل حرف

[أبو روافــــــ]

لا لا يابنات أنا ماأوافقكم الرأي ليش هذا الهجوم على الرجال

الحياة تعاون أنا ماأحب المرأة الإستغلالية

لأنك إذا نكدتي على الرجال حياتك بتصير نكد في نكد

وترى الرجال عنده حلول أخرى يعني تجيبين له المرض في حياته

يجيب على راسك وحده ويقهرك لازم يكون فيه تفاهم من الطرفين

ليش لما تجي سالفه فيها رجال تتكهربون لهذي الدرجة تعقدتوا

ترى الدنيا باقي بخير ولا تخلون حكمكم عام وخلوكم منصفين

زي مافيه رجال معقدين فيه رجال طيبين

وزي مافيه حريم طيبات فيه حريم علل ويفقعون المرارة


قبيسية


اية هذا العلم والكلام الصح
وفعلا كلامك اذا جت سالفة فيها رجال يتكهربون ويتعقدون
بس اكيد ان الرجال عند هالصنف مطلعين عيونهم
المفروض نعذرهم
مساكين
احس اني رحمتهم الله يكون بعونهم
مشكورة على هالوقفة الطيبة في صف الرجل

[سحابة صيف]

:p
:eek:

خلاص بعلن انسحابي
بس عشان خاطر البنات اللي سوو لي زحمة في الخاص
يترجون اخليك ولا اجاكرك
والا كان عرفت اتفاهم معاك

^
^
^
الله والنصبه :D



يالله ياكريم يجيك ورقة مقاضي بكرة تلف الرياض كله وما تحصل ربعها
وتمسي برى البيت الين تجيبها هههههههههههههههههههههههههه


سلاموا عليكم

<<<

[أبو روافــــــ]

:p
:eek:

خلاص بعلن انسحابي
بس عشان خاطر البنات اللي سوو لي زحمة في الخاص
يترجون اخليك ولا اجاكرك
والا كان عرفت اتفاهم معاك

^
^
^
الله والنصبه :d



يالله ياكريم يجيك ورقة مقاضي بكرة تلف الرياض كله وما تحصل ربعها
وتمسي برى البيت الين تجيبها هههههههههههههههههههههههههه


سلاموا عليكم

<<<

سحلبة قصدي سحابة

وش الحقد هذا وش هالدعوة الله يكفينا شرك
تلف الرياض وامسي برى البيت
طيب مو مشكلة الله معنا
ولا راح اتفائل إلا بالخير
سلاموا علينا