قصة زواج مضحكه ...

[أبوخالد]

هذي البنت عندها خوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب المهم جا دور هالبنت اللي أتكلم عنها كانت سهرانة مع اخواتها الين الساعة 2 الصبح...
وبعدها خواتها طلعوا ينامون فوق...
وهي قعدت تنظف المطبخ وتشطب عليه.. وقامت طلعت الزبالة عند الباب ...
المهم البنت قالت ليش أحطها عند الباب خليني أتشجع وارميها بالزبالة احسن..
وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي الزبالة قفل باب بيتهم هههههههه وقعدت المسكينة بالشارع ... فكرت ترن الجرس خافت أبوها يهاوشها ويسويلها شيء ..( لأن أبوها شديد)...
وطلعت بالشارع ما عليها إلا ! قميصها حق البيت .. المهم حست أن صوت يقرب.. صوت سيارة!!
قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!! واستغرب إن الزبالة مقلوبة قام قرب من عندها ...و جا بيرفع الزبالة ويزينها ...
إلا صرخت البنت وقالت: لالالالا...
قال: بسم الله الرحمن الرحيم.. إنتي إنس ولا جن؟!
قالت: والله إنس قال إنتي وش جابك هنا؟؟!!...
وقالت له: القصة وهي متغطية بالزبالة وترجت ولد الجيران يساعدها...
قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب..
وقالها: ادخلي بسرعة لا احد يشوفك... قامت مسكينة ما صدقت رمت الزبالة.. وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك.. يناظر فيها..
المهم..
ما مر على هالسالفة يومين إلا جا وخطبها من أبوها وتزوجها... ههههههه
والله قصة زواج غريبة وعلى فكرة ترى هذي سالفة حقيقية وحصلت بالفعل...
واللي يعيش ياما يشوف ويسمع..

تحياتي

[مشاري بن سعد القبيسي]

http://www.boqbis.com/up//uploads/images/boqbis-2daf930587.jpg

[شار بن علي القبيسي]

قصة طريفة
بس خذ الاطرف
واحد من الجماعة راح يخطب في قرية بعيدة عنا
لما وصل عند اهلها قال ابوها والله ان تتعشى
وعارفين زمان بعد المشاوير
تعشى الرجال وجا بيعطي ابوها العلم
قال ما ابغى منك علم الى بكرة
رقد الرجال في مجلس اللي فية التفزون
بنات الرجال ما درو ان فية واحد نايم
جابو القهوة وتكو وشافو التلفزيون والرجال تحت الفراش يضحك
ان تنحنح مشكلة وان سكت ودخل ابوهم مشكلة ثانية
راحو البنات نامو والرجال ما نام خاف من الفضيحة في اليوم الثاني
قامو الصبح يصلون
قال ابوهم جهزو فطور للرجال اللي نايم في المجلس
عاد اش صار بين ابنات الله اعلم
جهزو الفطور وافطر الرجال واعطى ابوهم العلم
طبعاً القبيسي ما فية قصور
وافق ابوهم بس لازم ياسأل البنت
راح سئلها وش رايك في الرجال الي جانا
طبعاً وافقت لان الضيف ما رفع البطانية من على راسة طول الليل فعرفت انه رجال فية خير
وافقت وتزوج الرجال وعرضنا وبعد حوالي 15 سنة قالناالسالفة
والرجال من الجماعة ومعروف ومعه على قوله الديرة (فرقة بثور)
الله يصلحهم له